KOM REIS EN EET SAAM …

Nie net kan jy op ’n Saterdagmiddag weglê aan die lekkerste potjiekos in die Noordelike Voorstede nie, maar dit ook saam met die skrywer en TV-aanbieder Erns Grundling en sy gesin geniet.

Om 16:00 gaan Erns en sy vrou, Catharien, ons potjiekoskompetisie beoordeel. Dit gaan eerstens oor hoe geurig die potjiekos proe, maar deelnemers kan ’n bonuspunt verdien met ’n lekker storie.

Erns en Catharien bring hul skattige tweeling, André Jakkals en Henry Wolf, saam na die geleentheid. Die twee karnallies, wat sosialemediasensasies geraak het, gaan ook help proe.